អ័រម៉ូនស្ត្រេស លក្ខខណ្ឌវេជ្ជសាស្ត្រ និងកត្តាបរិស្ថានទាំងអស់ហាក់ដូចជាកំណត់ថាធ្វើឱ្យយើងបាត់បង់សក់។​ 2 ភាគ ២ នៃបុរសបាត់បង់សក់ខ្លះៗនៅអាយុ 35 ឆ្នាំ ហើយពាក់កណ្តាលនៃស្ត្រីទាំងអស់នឹងឃើញមានការបាត់បង់សក់ដូចគ្នានៅអាយុដំណាលនេះ។ សំរាប់ស្ត្រីមានផ្ទៃពោះ មានការជួបប្រទះបញ្ហាជ្រុះសក់ច្រើន ដែលជាផ្នែកធម្មជាតិនៃការផ្លាស់ប្តូរអម៉ូនមុនសម្រាល និងក្រោយសម្រាលកូន 

ដំណឹង​ល្អ​អំពីបញ្ហាអាក្រក់​ទាំង​អស់​នេះ​គឺ​ថា សម្រាប់​បុរស និងស្ត្រី​ភាគ​ច្រើន ការ​បណ្តុះ​សក់​អាចធ្វើអោយមានការលូតលាស់បានល្អឡើងវិញ ​និងអាចបញ្ឈប់ការជ្រុះសក់ដោយកំណត់ស្ថានភាពនៃបញ្ហា ដោយធ្វើការតាមដានកក្តាទាំងអស់តាមជំហ៊ាននៃការកកើតដំបូង​ ហើយចាប់ផ្តើមដោះស្រាយវាតាមសម្រួល។

កក្តានៃការជ្រុះសក់ រួមមានដូចខាងក្រោម៖ កក្តាកង្វះវីតាមីន កក្តាអរម៉ូន កក្តាបរិស្ថានជុំវិញ បញ្ហាជំងឺ សារជាតិគីមី

១. កក្តាកង្វះវីតាមីន

រាងកាយរបស់មនុស្សមិនអាចផលិតវីតាមីន សារជាតិរ៉ែបានដោយខ្លួនឯងនោះទេ វាត្រូវការពីអាហារដែលយើងទទួលទានរាល់ថ្ងៃ។ ទោះជាយ៉ាណាក៍ដោយអាហារដែលយើងទទួលទានរាល់ថ្ងៃក៍មិនមានវីតាមីនគ្រប់គ្រាន់ដើម្បីទ្រង់សរីរាងកាយយើងបានគ្រប់ផ្នែកនោះដែរ។ សក់ជាសរីរាងដ៏សំខាន់មួយដែលជួយលើកសម្រស់ទាំងបុរស និងនារីអោយមើលទៅក្មេងជាងវ័យ។

អាហារដែលសក់ត្រូវការរាល់ថ្ងែដើម្បីការពារជ្រុះ និងសក់ស្អាតពេញក្បាលរួមមាន វីតាមីន A វីតាមីន B Complet, វីតាមីន D វីតាមីន C និងសារធាតុរ៉ែរួមាន ជាតីដែក (Iron), ស័ងសី (Zince), កាលស្យូម (calcium) សមាសធាតិខូឡាជេន (Collagen) និងប្រភេទខ្លាញ់ត្រី (Fish oil Omega 3) 

២. កក្តាអរម៉ូន

សក់ជ្រុះដោយសារអរម៉ូនសក់ស្តើងបន្តិចម្តងៗ ចំពោះបុរសនាំឱ្យសក់ជ្រុះ ហើយជារឿយៗវិវត្តទៅជាឆក ទំពែក ឯស្ត្រីវិញសក់ជ្រុះចាប់ផ្តើមស្តើងទៅៗនិងឃើញស្បែកក្បាល។ ប្រសិនបើសក់របស់អ្នកកំពង់ជ្រុះច្រើន ឬសក់របស់អ្នកស្តើងប្រើការព្យាបាលផ្នែកខាងក្រៅមិនផល វាអាចមានហេតុផលអ័រម៉ូនសម្រាប់ការបាត់បង់សក់របស់អ្នក។ នេះ​មាន​ន័យ​ថា​អាការ​ជ្រុះ​សក់របស់អ្នកបណ្តាលមកពីបម្រែបម្រួលអម៉ូនដែល​អាច​ខុស​ពី​ទម្រង់​ជ្រុះ​សក់​ផ្សេង​ទៀត។

រហូតមកដល់ពេលនេះ អ័រម៉ូនដ៏អាក្រក់បំផុត និងសាមញ្ញបំផុតដែលទទួលខុសត្រូវចំពោះការបាត់បង់សក់គឺ cortisol ដែលអម៉ូននេះកើតឡើងតានរយះការតានតឹងអារម្មណ៍ ការថបបារម្ភ និងបាក់ទឹកចិត្ត។ តាមរយះការស្ត្រេសបណ្តាលអោយមានការបញ្ជូនសក់ទៅក្នុងដំណាក់កាលសម្រាលដែលវាជាដំណាក់ការត្រៀមជ្រុះ telogen។

អរម៉ូនេះក៍រាប់បញ្ជូលផងដែរសំរាប់ស្ត្រីក្រោយការសម្រាលកូន ការវះកាត់ ឬការសម្រកទម្ងន់យ៉ាងឆាប់រហ័ស ដោយសាររាងកាយចាត់ទុកសកម្មភាពទាំងនេះថាជាព្រឹត្តិការណ៍ស្ត្រេស និងបានរុញសក់ទៅក្នុងដំណាក់កាលសម្រាកដូចគ្នា។ 

៣. កក្តាបរិស្ថាន

មានសារធាតុបំពុលជាច្រើនដែលអាចរួមចំណែកដល់ការជ្រុះសក់ រួមទាំងជាតិពុលក្នុងខ្យល់ និងទឹកផងដែរ។ ប្រសិនបើអ្នករស់នៅក្នុងបរិយាកាសដែលមានការបំពុលខ្លាំង អ្នកអាចវិវត្តទៅជារោគសញ្ញាស្បែកក្បាលដែលងាយរងគ្រោះ ដែលរោគសញ្ញារបស់វារួមមានស្បែកក្បាលមានជាតិប្រេង រមាស់ ឈឺចាប់នៅឫសសក់ និងអង្គែ។ ការនៅក្រោមកំដៅថ្ងៃយូរពេកនឹងទទួលរងការបំផ្លាញកោសិការស្បែកក្បាលធ្វើអោយសក់ជ្រុះច្រើន និងសក់ស្រួយដាច់ផងដែរ។ 

៤. សារជាតិគីមី

ផលិតផលស្ទីលសក់ប្រចាំថ្ងៃភាគច្រើនមានសុវត្ថិភាព ព្រោះវាបានឆ្លងកាត់ការត្រួតពិនិត្យយ៉ាងម៉ត់ចត់។ ទោះជាយ៉ាងណាក៏ដោយ នៅពេលដែលបុរស ឬស្ត្រីផ្តោតលើការច្នៃម៉ូតសក់ដោយប្រើថ្នាំលាបសក់ដែលមានសារធាតុគីមីខ្ពស់ ការគៀបសក់ ការផ្លុំសក់ដោយកំដៅញឹកញ៉ាប់ មានន័យពួកគេកំពង់ទទួលយកការអនុវត្តដែលបង្កគ្រោះថ្នាក់ដល់ការជ្រុះសក់ និងបញ្ហាស្បែកក្បាលហើយ។

ការប្តូរពណ៌សក់ញឺកញ៉ាប់បង្ករគ្រោះថ្នាក់ដល់ដល់ការរលាកស្បែកក្បាល ធ្វើអោយកោសិកាស្បែកខូច រឺបាត់បង់ ស្តើងកោសិការស្រទាប់លើស្បែកក្បាលោះងស្រគៀនិងជ្រុះសក់ច្រើន។

៥. កក្តាសុខភាព

ការជ្រុះសក់ច្រើនខុសប្រក្រតីក៍ជារោគសញ្ញានៃស្ថានភាពសុខភាពភាពដែលយើងមិនបានដឹងជាមុនដែរ។ ជាទូទៅវាបានកើតលើអ្នកជំងឺវះកាត់ដែលបានប្រើថ្នាំផ្សាសច្រើន ព្រោះថ្នាំផ្សាសកាលណាប្រើច្រើនវាធ្វើអោយបាត់បង់គ្រាប់ឈាមក្រហម  កក្តានេះបានជំរុញអោយខួរឆ្អឹងខ្នងស្រូបយកសារធាតុចិញ្ចឹម និងវីតាមីនជាច្រើនដើម្បីផលិតគ្រាប់ឈាមក្រហម ហើយវាបះពាល់សរីរាងផ្សេងទៀតដែលមិនអាចទទួលបានវីតាមិនចិញ្ចឹមគ្រាប់គ្រាន់ ដូចជាសរិរាងសក់ចាប់ផ្តើមជ្រុះច្រើន ហើយស្បែកចាប់ផ្តើមស្លេកស្លាំង បបូរមាត់ស្ងួត។

៦. កកត្តាអាយុ

តាមពិតទៅ អាយុកាន់តែចាស់គឺជាមូលហេតុមួយក្នុងចំណោមមូលហេតុទូទៅបំផុតនៃការបាត់បង់សក់ នេះបើយោងតាម Marie Hayag, MD, គ្រូពេទ្យជំនាញខាងសើស្បែកនៅទីក្រុងញូវយ៉ក។ គាត់បាន​និយាយ​ថា​៖ «​នៅពេល​យើង​មាន​អាយុកើនឡើង កម្រិត​អ័រម៉ូន​ប្រែប្រួល សរីរាងកោសិកាសក់បាត់បង់ មានការថយចុះច្រើននៃការផលិតខូឡាន និងការបាត់បង់វិតាមីនច្រើនក្នុងរាងកាយ (​គិត​ដល់​ការ​អស់​រដូវ​ចំពោះ​ស្ត្រី​) ហើយ​ទំហំ​ឫស​សក់​ក៏​ថយចុះ ដែល​រួមចំណែក​ដល់​ការជ្រុះ​សក់​។